28 აგვისტოს, ანჩისხატის გზა
ანჩიდან - თბილისამდე

სალიტანიო ანჩისხატი ტაო-კლარჯეთიდან, ანჩიდან მარიამობას შემობრძანდება თბილისში.

28 აგვისტოს 14:00 სთ-ზე რუსთაველის ძეგლთან ხატს შეეგებება სხვადასხვა ტაძრის მრევლი და ლოცვითი სვლით წააბრძანებენ მუზეუმის წინ არსებულ სამლოცველოში - ანჩისხატის დედნის სიახლოვეს, სადაც სიწმიდეების წინაშე აღევლინება სავედრებელი პარაკლისი ჩვენი ერისა და ეკლესიის კეთილდღეობისათვის.

საქართველოს კათოლიკოს-პატრიარქის ლოცვა-კურთხევით და სასულიერო პირთა უშუალო მონაწილეობით სალიტანიო ანჩისხატის კანონიკური ასლი, უკვე წლებია დაბრძანდება სრულიად საქართველოს და მის ფარგლებს გარეთ წმიდა ადგილების მოსალოცად - საქადაგო მოწოდებით "სიწმიდეები გვიხმობენ".

ანჩისხატო, დაიცევ და დაიფარე საქართველო!

23 აპრილს - კვირაცხოვლობას სადღესასწაულო ლოცვითი სვლა

სალიტანიო ანჩისხატით დედაქალაქის ჯვრის სახით მოლოცვის დასკვნითი ეტაპი: 23 აპრილს, 14:00 სთ-ზე ხელოვნების მუზეუმის წინ არსებულ სამლოცველოში აღევლინება პარაკლისი. პარაკლისის შემდეგ ხატი ლოცვითი სვლით წაბრძანდება მთაწმიდაზე - მამა დავითზე.

დედაქალაქის ჯვრის სახით მოლოცვა მიმდინარეობს:
I ფრთა: ორთაჭალიდან - მცხეთის ჯვრამდე
II ფრთა: მახათას მთიდან - მთაწმინდამდე

16 იანვარს 13:00 სთ-ზე ხელოვნების მუზეუმის წინ მდებარე სამლოცველოდან სალიტანიო ანჩისხატით მოხდება ლოცვითი სვლა მთაწმინდაზე - წმ. ექვთიმე ღვთისკაცის საფლავზე, სადაც ჩატარდება პარაკლისი ქართული განძის ჯეროვანი დაცვისა და ერის კეთილდღეობისათვის.